أكيد بتيجي عليك أوقات بتسأل نفسك فيها: هو إزاي الأيام جريت بالشكل ده؟
وإمتى الوقت ضاع مني كدة من غير ما آخد
بالنا؟
والسبب هو أن في حاجات صغيرة جدًا بنعملها
كل يوم، وبتسرق عمرنا بهدوء من غير ما نحس.
وف المقال ده، هنتكلم عن أخطر الحاجات اللي
بتضيع وقتنا… وإزاي نرجع السيطرة من تاني على حياتنا.
أولًا: أشياء
(عادات يومية) تتسبب في ضياع الوقت
1 – استخدام الهاتف لوقت طويل
ف البداية بتكون مقرر أنك تمسك الموبايل "خمس
دقايق بس"، ف تلاقي نفسك عدّى عليك ساعة أو أكتر!
السوشيال ميديا بقت من أكبر أسباب ضياع
الوقت، لأنها مصممة تخليك تفضل مستمر ومكمل فيها لوقت طويل من غير ما تحس.
والمشكلة هنا مش بس ف أنها بتضيع وقت…
لكن كمان دي بتستنزف طاقتك وتركيزك.
2 - التفكير الزائد (Overthinking)
كام مرة قعدت تفكر في موقف حصل؟ أو ف حاجة
لسة محصلتش أصلاً وقعدت تتخيل سيناريوهات ليها؟ أكيد يتحصل معاك كتير.
التفكير الزائد بيستهلك وقتك وطاقتك ومشاعرك…
من غير أي فايدة أو نتيجة حقيقية.
والمشكلة هنا أنك بتعيش نفس اللحظة عشرات المرات… بدل ما تعيش حياتك فعلاً.
3 - محاولة
إرضاء كل الناس
إنك تحاول ترضي كل الناس… ده معناه إنك
بتضيع نفسك وكمان وقتك، وهقولك دلوقتي أزاي.
لما تكون بتحاول دايمًا ترضي الناس.... ده
هيخليك تضطر توافق على حاجات أنت مش عايزها... وتتحمل ضغط مش بتاعك، وف الآخر
هتتعب نفسيًا.
والمشكلة هنا أن وقتك بيضيع ف حياة مش شبهك.
4 -
التسويف وتأجيل كل شيء
"هعملها بكرة"
جملة بسيطة… لكنها أخطر عادة ممكن تدمر
وقتك.
التسويف بيخليك تفضل واقف مكانك… حتى لو
عندك أحلام كبيرة.
والمشكلة هنا هي الأيام بتعدي… وأنت لسة
عمال تأجل البداية.
5 - المقارنة
بالناس
وده بيحصل لما تبص على حياة غيرك وتحس إنك
متأخر… ف تفقد الحماس اللي عندك.
وف الحقيقة.... المقارنة بتسرق منك الرضا،
وبتخليك مش شايف النعم اللي عندك.
والمشكلة هنا أنك بتضيع وقتك ف التركيز ف
حياة حد تاني… بدل ما تبني حياتك.
6 - الروتين
بدون وعي
وهو إنك تعيش نفس اليوم كل يوم… من غير ما
تسأل نفسك: "أنا رايح فين؟"
الروتين مش وحش… لكن الخطر إنك تعيشه من
غير وعي.
والمشكلة هنا أن العمر بيعدي… من غير ما
تحس إنك عايش.
ثانيًا: كيفية استرجاع السيطرة على
الوقت الخاص بنا
مش لازم تغيّر حياتك كلها مرة واحدة، ع
الأقل ابدأ بخطوات بسيطة كالتالي:
- حدد وقت لاستخدام الموبايل
- خليك واعي بأفكارك ومتغرقش فيها
- قول “لا” لما تحتاج لـ كدة
- ابدأ حتى لو بخطوة صغيرة
- ركّز على نفسك مش على غيرك
وف النهاية حابة أقولك إن عمرنا مش بيضيع
فجأة…هو بيضيع ف تفاصيل صغيرة بنكررها كل يوم. بس رغم كدة أنت تقدر تغير
كل ده، مش مهم اللي فات، المهم تبدأ من النهاردة.
إرسال تعليق